काभ्रेमा ९० लाखको बुद्धचित्त लुटियो, सुरक्षाका लागि खटिएका ५ जना घाइते

काठमाडौं - काभ्रेमा लुटेराले ९० लाख बराबरको बुद्धचित्तको दाना लुटेको छ ।

बिहिबार मध्यराती हतियारसहित आएको एक ठुलो समूहले रोशी गाउँपालिका–३ सिपालीमा स्थानिय वीरबहादुर तामाङको बारीमा रहेको ९० लाख बराबरको बुद्धचित्तको दाना लुटेको जिल्ला प्रहरी कार्यालय, काभ्रेले जनाएको छ ।

लुटेराले बुद्धचित्तको रुखको सुरक्षाका खटिएका पाँच जनालाई आक्रमण गरेर घाइते बनाएका छन् । उनीहरुको खोजी कार्य तीव्र रुपमा भैरहेको प्रहरीले जनाएको छ ।

लुटेराको समूहले सुरक्षाका लागि राखिएको सीसीटिभी क्यामेरासमेत तोडेको छ । प्रहरीलाई समेत अवरोध हुनेगरी बाटोमा बम लगायतका सामान राखेको खुलेको प्रहरीले जनाएको छ ।