काठमाडौं - नेपाल कम्युनिष्ट पार्टी (नेकपा) प्रचण्ड-नेपाल पक्षको स्थायी कमिटीको बैठक सरेको छ । 

सोमबार बिहान ११ बजे पार्टी कार्यालय पेरिसडाँडामा बोलाइएको बैठक दिउँसो ३ बजेका लागि सारिएको प्रवक्ता नारायणकाजी श्रेष्ठले जानकारी दिए । थप गृहकार्यका लागि बैठक सारिएको उनको भनाई छ । 

नेकपाको आधिकारिकताबारे सर्वोच्च अदालतको फैसलापछि विकसित राजनीतिक अवस्थाबारे छलफल  र भावी रणनीतिबारे निर्णय लिन बैठक बोलाइएको हो ।

सर्वोच्चले ऋषि कट्टेल नेतृत्वको नेकपालाई आधिकारिकता दिएको छ । सो पक्षले उक्त फैसलापछिको अवस्थाबारे कानून व्यवसायीसँग छलफलसमेत गरेको छ ।