लिभरपुललाई हराउँदै रियल सेमिफाइनलमा

काठमाडौं,एजेन्सी - स्पेनिस क्लब रियल म्याड्रिड युईएफए च्याम्पियन्स लिगको सेमिफाइनलमा प्रवेश गरेको छ ।

गएराति भएको क्वाटरफाइनलको दोस्रो लेगमा इंग्लिस क्लब लिभरपुलसँग गोलरहित बराबरी खेलेपनि समग्रमा ३-१को जित निकाल्दै रियलले अन्तिम चारको यात्रा तय गरेको हो । 

लिभरपुलको मैदानमा भएको दोस्रो लेगमा दुवै पक्षबाट गोल हुन सकेन । प्रतिस्पर्धात्मक रहेको खेलमा दुबै टोलीले पाएको मौकालाई सदुपयोग गर्न सकेनन् । रियलले पहिलो लेगमा ३–१ को जित निकालेको थियो । 

अब रियलले सेमिफाइलमा इंग्लिस क्लब चेल्सीको सामना गर्नेछ । चेल्सीले पोर्चुगिज क्लब एफसी पोर्टोलाई पराजित गर्दै सेमिफाइनलको यात्रा तय गर्न सफल भएको थियो ।