काठमाडौं,एजेन्सी - अन्तर्राष्ट्रिय मैत्रीपूर्ण खेलमा स्पेन नेदरल्यान्डसँग बराबरीमा रोकिएको छ ।

बुधबार राति नेदरल्यान्डको घरेलु मैदानमा भएको खेलमा दुबै टोलीले १–१ को बराबरी खेलेका हुन् ।

नेसन्स लिगको तयारीमा रहेका दुबै टोली अन्तर्राष्ट्रिय मैत्रीपूर्ण खेल खेलेका हुन् ।

खेलको १८ औं मिनेटमा स्पेनलले अग्रता लिएको थियो । मोराटाको पासमा सर्जिओ क्यानालेसले गोल गर्दै स्पेनलाई पहिलो हाफमा १–० को अग्रता दिलाएका थिए ।

तर, ४७ औं मिनेटमा नेदरल्यान्डका डोनी भान डे बीकले गोल गर्दै खेल बराबरीमा ल्याए ।

उनले विजन्डलको पासमा गोल गर्दै खेल बराबरीमा ल्याएका हुन् । त्यसपछि दुबै टोलीबाट गोल हुन नसकेपछि खेल बराबरीमा रोकिएको हो ।