रियलको सहज जित

काठमाडौं,एजेन्सी  - स्पेनिस ला लिगामा रियल मड्रिडले सहज जित हात पारेको छ । गएराति भएको खेलमा रियलले भ्यालेन्सियालाई २-०ले पराजित गरेको हो ।

खेलको १२औं मिनेटमा करिम बेन्जेमाको गोलबाट घरेलु टोली रियलले अग्रता लिएको थियो । त्यसपछि ४२औं मिनेटमा टोनी क्रुसले गोल गर्दै रियललाई २-० को सहज जित दिलाए ।

जितसँगै रियलले २३ खेलबाट ४९ अंक जोडेको छ । रियल दोस्रो स्थानमा उक्लिएको छ । दुई खेल कम खेलेर शीर्षस्थानमा रहेको एट्लेटिको म्याड्रिडको ५४ अंक छ । पराजित भ्यालेन्सिया २४ अंक जोडेर १३औं स्थानमा छ ।