गुडीरहेको ट्याक्टसँग मोटरसाइकल ठोक्किदा दुईजनाको मृत्यु

काठमाडौं - कैलालीमा गएराती गुडीरहेको ट्याक्टसँग मोटरसाइकल ठोक्किदा मोटरसाइकलमा सवार दुई जनाको मृत्यु भएको छ। मृत्यु हुनेमा २२ वर्षीय गोविन्द बुढा र १७ वर्षीय मानबहादुर बुढा रहेको जिल्ला प्रहरी कार्यलय कैलालीले जनाएको छ।

घोडाघोडी नगरपालिका वडा नम्बर १० मा म १ त ५४२ नम्बरको गुडीरहेको ट्याक्टरसँग बा ९१ प ४०४ नम्बरको मोटरसाइकल ठोक्किएको थियो।

ट्याक्टरसँग ठोक्किएर घाइते भएका मोटरसाइकलमा सवार दुवै जनाको घोडाघोडी अस्पतालमा उपचारको क्रममा मृत्यु भएको प्रहरीले जनाएको छ। ट्याक्टर चालकलाई सुक्खड प्रहरीले नियन्त्रणमा लिएको जनाएको छ।