फेरि घट्यो सुनको मूल्य

काठमाडौं - नेपाली बजारमा आज सुनको मूल्य घटेको छ । 

सुनचाँदी व्यवसायी महासंघका अनुसार बिहिबार प्रतितोला ९२ हजार रुपैयाँमा कारोबार भैरहेको छापावाल सुन शुक्रबार प्रतितोलामा एक हजार २ सय रुपैंयाँ घट्दै ९० हजार ८ सय रुपैयाँमा कारोबार भैरहेको छ । तेजावी सुनको मूल्य तोलाको ९० हजार ३ सय रहेको छ ।

बिहिबार पनि सुन प्रतितोलामा १ हजार १ सय रुपैयाँले घटेको थियो । 

यस्तै, आज चाँदीको मूल्य पनि घटेको छ । शुक्रबार चाँदी प्रतितोलामा ३५ रुपैयाँले घटेर एक हजार ३ सय ५ रुपैयाँमा कारोबार भैरहेको महासंघले जनाएको छ ।