सर्लाहीमा भारतीय नम्बर प्लेटको मोटरसाइकल दुर्घटना हुँदा एक जनाको मृत्यु

काठमाडौं - सर्लाहीमा मोटरसाइकल दुर्घटना हुँदा एक जनाको मृत्यु भएको छ । सर्लाहीको रामनगर गाउँपालिका– २ बस्ने रामएकबाल राय यादवको दुर्घटनामा परेर मृत्यु भएको हो ।

यादवले चलाएको भारतीय नम्बर प्लेटको बीआर३०एल ८०४५ नम्बरको मोटरसाइकल बलरा नगरपालिका– ४ स्थित गडहिया बलरा सडक खण्डमा आफैं अनियन्त्रित भई पल्टिएको थियो । 

दुर्घटनामा गम्भीर घाइते भएका उनलाई उपचारका लागि स्थानीय धुलिखेल मेडिकल अस्पताल बलरा लग्ने क्रममा बाटोमै मृत्यु भएको प्रहरीले बताएको छ ।