घट्यो सुनको मूल्य

काठमाडौं - नेपाली बजारमा सुनको मूल्यमा १२ सय रुपैयाँ प्रतितोलाले गिरावट आएको छ ।

नेपाल सुनचाँदी व्यवसायी महासंघका अनुसार बुधबार १२ सय रुपैयाँले सुनको मूल्यमा गिरावट आएर छापावाल सुनको ९७ हजार २ सय रुपैयाँ प्रतितोला कायम भएको हो । मंगलबार छापावाल सुनको मूल्य प्रतितोला ९८ हजार ४ सय रुपैयाँ रहेको थियो ।

त्यस्तै तेजावी सुनको मूल्य बुधबार ९६ हजार ७ सय रुपैयाँ प्रतितोला रहेको महासंघले जनाएको छ ।

महासंघका अनुसार बुधबार चाँदीको मूल्य ३० रुपैयाँले घट्दै १३ सय ६५ रुपैयाँ प्रतितोला कायम भएको छ । यसअघि मंगलबार चाँदीको मूल्य प्रतितोला १३ सय ९५ रुपैयाँ रहेको थियो ।