काठमाडौं - इंगलिश प्रिमियर लिग फुटबलमा लिभरपुल सामु म्यान्चेष्टर सिटी निरीह देखिएको छ । आइतबार राति घरेलु मैदान एनफिल्डमा खेलेको लिभरपुलले सिटीलाई ३–१ को स्पष्ट गोल अन्तरले हरायो । 

डिफेन्डिङ च्याम्पियनमाथि स्पष्ट जित निकालेको लिभरपुलले उपाधि दावेदारीलाई बलियो समेत बनाएको छ । लिभरपुलले सिटीसंग ९ अंकको अंकदूरी पनि बनाएको छ । दोस्रो स्थानको लेस्टर सिटीको २६ अंक हुँदा सिटीको २५ अंक छ । लिभरपुलको ३४ अंक भएको छ १२ औं चरणको समाप्तिसम्म । 

खेलको अवस्था 

खेलको छैटौं मिनेटमा फाबिन्होले गोल गर्दै लिभरपुललाई अग्रता दिलाए । मोहमद सलाहाले १३ औं मिनेटमा गोल गर्दै लिभरपुलको अग्रता दोब्बर बनाए । 

साडियो मानेले ५१ औं मिनेटमा गोल गर्दै लिभरपुललाई ३–० ले अग्रता दिलाए ।  निरिह देखिएको सिटीका लागि बर्नाल्डो सिल्भाले ७८ औं मिनेटमा सान्त्वना गोल फर्काएका थिए । निकै प्रतिस्पर्धात्मक खेलमा एउटमात्र पहेंलो कार्ड देखाइएको थियो । 

अन्य खेलको नतिजा–

म्यान्चेस्टर युनाइटेडले ब्राइटनलाई घरेलु मैदानमा ३–१ गोल अन्तरले हरायो । युनाइटेडका लागि एन्द्रेस परेरा र मार्कस रासफोर्डले गोल गरे । दाभी प्रोपेरले आत्मघाती गोल गरेका थिए । 

ब्राइटनका लेविस डन्कले एक गोल फर्काएका थिए ।  वुल्भरह्याम्पटनले एस्टन भिल्लालाई २–१ गोल अन्तरले हरायो । 

अंक तालिका

लिभरपुल–३४ अंक

लेस्टर सिटी– २६ अंक

चेल्सी– २६ अंक

म्यान्चेस्टर सिटी– २५ अंक

सेफिल्ड युनाइटेड र आर्सनल– १७ अंक

म्यान्चेस्टर युनाइटेड– १६ अंक