लिभरपुलको पहिलो जित

काठमाडौं - इंग्लिस प्रिमियर लिगमा लगातार चार हार व्यहोरेको लिभरपुलले पहिलो जित निकालेको छ । गएराति भएको खेलमा लिभरपुलले सेफिल्ड युनाईटेडलाई २-०ले पराजित गरेको हो । 

खेलको पहिलो हाफ गोलरहित बराबरीमा सकिएको थियो । ४८औं मिनेटमा कर्टिस जोन्सले गोल गर्दै लिभरपुललाई सुरुवाती अग्रता दिलाएका थिए । त्यसपछि ६४औं मिनेटमा किन ब्रायनले आत्मघाती गोल गरेपछि लिभरपुलले २-०को जित निकाल्यो  । 

 जितसँगै लिभरपुल २६ खेलबाट ४३ अंक जोडेर छैटौ स्थानमा छ । पराजित सेफिल्ड ११ अंक जोडेर पुछारमा रहेको छ ।