युभेन्टस र मिलानबीचको खेल स्थगित

काठमाडौं - कोरोना भाइरसको कारण इटालियन लिग 'सिरि ए' लाई समेत प्रभावित बनाएको छ ।

इटाली सरकारले कोरोनालाई मध्यनजर गर्दै युभेन्टस र एसी मिलानबीचको खेल स्थगित गरेको हो ।

युभेन्टस र एसी मिलानबीच बुधबार तुरिनमा हुने भनिएको इटालियन कपको सेमिफाइनल अन्तरगतको दोश्रो लेगको खेल सम्भावित कोरोनाभाइरसको जोखिमलाई ध्यानमा राख्दै स्थगित गरिएको छ ।

युरोपमा कोरोनाभाइरसका कारण इटाली सबैभन्दा बढी प्रभावित बनेको छ। योसँगै त्यहाँ संक्रमणबाट ज्यान गुमाउनेहरूको संख्या ७९ पुगेको छ।