काठमाडौं - नेकपा माओवादी केन्द्रको केन्द्रीय कमिटी बैठक स्थगित भएको छ । कोरोनाका कारण माघ ८ गतेका लागि बोलाइएको केन्द्रीय कमिटी बैठक स्थगित भएको हो ।

बैठक अर्को निर्णय नहुँदासम्मका लागि स्थगित गरिएको केन्द्रीय कार्यालयले जनाएको छ ।

यस्तै, स्थायी कमिटी बैठक माघ ८ का लागि बोलाइएको छ। स्वास्थ्य मापदण्ड पालना गरी माघ ८ गते बिहान ८:३० बजे केन्द्रीय कार्यालय पेरिसडाँडामा स्थायी कमिटी बैठक बस्ने एक नेताले जानकारी दिए । बैठकमा निवर्तमान स्थायी समिति र आयोगका अध्यक्षहरूलाई बोलाइएको छ ।