रक्षामन्त्री रिजालले प्रधानमन्त्रीसमक्ष बुझाए राजीनामा,नवनिर्वाचित महामन्त्रीद्वय थापा र शर्मालाई दिए बधाई

काठमाडौं - रक्षामन्त्री मीनेन्द्र रिजालले राजीनामा दिएका छन्। उनले बिहीबार दिउँसो प्रधानमन्त्री शेरबहादुर देउवासमक्ष राजीनामा पत्र बुझाएका हुन्। 

नेपाली कांग्रेसको १४औं महाधिवेशनमा महामन्त्री पदमा पराजित हुने संकेत देखिएपछि रिजालले बिहीबार बिहान मन्त्री पदबाट राजीनामा दिने घोषणा गरेका थिए। 

उनले अन्तिम परिणाम प्राप्त हुनासाथ  प्रधानमन्त्री देउवासमक्ष राजीनामा पेस गर्ने बताएका थिए। रिजालले कांग्रेसभित्र आफूलाई समर्थनको आधार अत्यन्त संकुचित भएको निर्वाचन परिणामले देखाएको भन्दै नैतिकताको आधारमा राजीनामा दिएको उल्लेख गरेका छन्।

बिहीबार दिउँसो आएको अन्तिम मत परिणाम अनुसार कांग्रेस महामन्त्रीमा गगनकुमार थापा र विश्वप्रकाश शर्मा निर्वाचित भइसकेका छन्। त्यस्तै रिजालले महामन्त्रीमा विजयी गगनकुमार थापा र विश्वप्रकाश शर्मालाई महामन्त्रीकै अर्का उम्मेदवार मिनेन्द्र रिजालले बधाई दिएका छन् ।