रास्वपा संसदीय दलको बैठक बस्दै

 काठमाडौं - आज राष्ट्रिय स्वतन्त्र पार्टी (रास्वपा) को संसदीय दलको बैठक बस्दै छ ।

बैठक सोमबार अपराह्न ४ बजे पार्टी कार्यालय चःमतिमा बस्न लागेको हो ।

बैठकमा संसदीय दलको विधान, संसदको आगामी अधिवेशनको सम्बन्ध र विविध प्रस्तावमाथि छलफल हुनेछ ।

कात्तिक १६ गते संसदको बर्खे अधिवेशन अन्त्य भएको थियो ।

हिउँदे अधिवेशन सुरू गर्ने समय भएकाले र संक्रमणकालीन न्याय, विद्यालय शिक्षालगायत विधेयकमाथि महत्त्वपूर्ण छलफल आवश्यक भएकाले बैठक डाकिएको बताइएको छ ।