झापा - झापामा बस र टिपर ठोकिँदा १० जना घाइते घाइते भएका छन्।

जिल्लाको गौरादह नगरपालिका-५ स्थित स्कुलचन बजारमा आज बिहान ११ बजेतिर दमकबाट चप्रामारीतर्फ जाँदै गरेको मे.१ ख २४९९ नम्बरको बस र मधुमल्लाबाट दामुनातर्फ जाँदै  गरेको प्र.न.२-०३-००१ ख ७१५३ नम्बरको टिपर एकआपसमा ठक्कर खाँदा १० जना घाइते भएका हुन्।

बस ​दुर्घटनामा घाइते हुनेमा बस चालक कृष्ण प्रसाद राजवंशीसहित यात्रुहरू योगमाया निरौला, कल्पना प्रसाद उराउ, शारदा देवी पौडेल, सलिना खत्री, ६ वर्षीया बालिका संरचना खत्री, सरोज राम, कल्पना सिक्देल, सिर्जना पराजुली र किस्मत खड्का रहेका छन्।

घाइतेमध्ये योगमाया निरौलालाई थप उपचारका लागि दमकस्थित निम्स अस्पताल पठाइएको छ भने अन्य घाइतेहरूको उपचार गौरादह नगर अस्पतालमा भइरहेको जिल्ला प्रहरी कार्यालय झापाले जनाएको छ।

टिपर चालक र दुर्घटना भएका दुवै सवारीसाधनलाई प्रहरीले नियन्त्रणमा लिएर आवश्यक अनुसन्धान भइरहेको छ।