कोरोना संक्रमणबाट थप ९ जनाको मृत्यु

काठमाडौं - कोरोना भाइरसको संक्रमणबाट थप ९ जनाको मृत्यु भएको छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट देशभर ९ जनाको मृत्यु भएको हो । मृत्यु हुनेमा दुई महिला र सात पुरुष रहेका छन् । 

आइतबार देशभर कोरोना संक्रमणबाट २२ जनाको मृत्यु भएको थियो । 

हालसम्म कोरोना संक्रमणबाट मृत्यु हुनेको संख्या ६४५ पुगेको छ । यो कुल संक्रमितको संख्याको शून्य दशमलव ५८ प्रतिशत हो ।