काठमाडौं उपत्यकामा थप ६२ जनामा देखियो कोरोना संक्रमण

काठमाडौं - काठमाडौं उपत्यकामा थप ६२ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार काठमाडौंका ४८ जना, ललितपुरका १ जना र भक्तपुरका १३ जनामा कोरोना संक्रमण देखिएको हो । सोमबार पनि काठमाडौँमा ४३ जनामा कोरोना देखिएको थियो ।

नेपालमा पछिल्लो २४ घण्टामा २५९ जनामा कोरोना संक्रमण पुष्टि भएको छ । योसँगै नेपालमा कुल संक्रमितको संख्या २१ हजार ९ पुगेको छ।