.gif)
गण्डकीमा सेना, प्रहरी र गाउँपालिकाका कर्मचारीसहित २५ जनामा कोरोना पुष्टि
पोखरा - गण्डकी प्रदेशमा थप २५ जनामा कोरोना भाइरसको संक्रमण पुष्टि भएको छ ।
प्रदेश स्वास्थ्य निर्देशनालयका अनुसार क्षयरोग उपचार केन्द्र, पोखरा र चितवन मेडिकल कलेज, चितवन गरिएको परिक्षणमा विभिन्न ५ जिल्लाका व्यक्तिमा संक्रमण पुष्टि भएको हो ।
संक्रमित हुनेहरुमा पर्वतका १, बाग्लुङका ८, लमजुङका ४, तनहुँका ९ र नवलपरासी (बर्दघाट सूस्ता पूर्व)का ३ जना रहेका छन् । जसमा ५ जना महिला रहेका छन् ।
संक्रमितमध्ये पर्बत जिल्ला, जलजला गाउँपालिकाका ३६ वर्षिय पुरुष हालै भारतबाट आएका हुन् । यस्तै, बाग्लुङ-१ का संक्रमित दुई पुरुष नेपाल प्रहरीमा कार्यरत छन् भने बाग्लुङ-८ का संक्रमित पनि भारतबाट आएका निर्देशनालयले जारी गरेको विज्ञप्तीमा उल्लेख छ ।
बाग्लुङका अन्य संक्रमितहरु कन्ट्याक्ट ट्रेसिङको क्रममा संक्रमण पुष्टि भएको हो । यस्तै, लमजुङ जिल्ला बेसीशहरमा कार्यरत २ जना संक्रमित नेपाल आर्मीमा कार्यरत छन् भने १ जना पालिकामा कार्यरत कर्मचारी रहेका छन् ।
संक्रमित सबैलाई आईसोलेसन कक्षमा लैजाने तयारी भैरहेको गण्डकी प्रदेश स्वास्थ्य निर्देशनालयका निर्देशक डा. विनोद विन्दु शर्माले जानकारी दिए ।
यससँगै गण्डकी प्रदेशमा कोरोना संक्रमितको संख्या एक हजार ९ सय ७७ पुगेको छ । जसमा एक हजार ६ सय ६५ जना उपचारपछि निको भएका छन् । जुन निको हुने दर ८४.२१ हो ।
फेसबुक पेज Like गर्नुहोस