काठमाडौ - अमेरिकी राष्ट्रपति डोनाल्ड ट्रम्पले आफ्नो प्रशासनले इरानी ऊर्जा केन्द्रहरूमा तत्काल हमला नगर्ने निर्णयलाई थप १० दिनका लागि निरन्तरता दिने घोषणा गरेका छन् । 

आफ्नो सामाजिक सञ्जाल 'ट्रुथ सोसल' मार्फत एक सन्देश जारी गर्दै राष्ट्रपति ट्रम्पले भने, 'इरानी सरकारको अनुरोधलाई स्वीकार गर्दै, म ऊर्जा केन्द्रहरू नष्ट गर्ने योजनालाई आगामी १० दिन अर्थात् अप्रिल ६, २०२६ (सोमबार) राति ८ बजेसम्मका लागि स्थगित गर्दछु।'

भ्रामक समाचारहरूको खण्डन गर्दै उनले अगाडि थपे, 'फेक न्युज मिडिया र अन्यले दाबी गरे जस्तो होइन, वार्ताहरू हाल जारी छन् र निकै सकारात्मक रूपमा अगाडि बढिरहेका छन्।'

यसअघि तोकिएको स्थगनको समय आज शुक्रबार समाप्त हुन लागेको छ। बिहीबार अमेरिकी सेयर बजार बन्द भएलगत्तै राष्ट्रपतिको यो महत्वपूर्ण घोषणा सार्वजनिक भएको हो।