सिन्धुपाल्चोकको पाँचपाेखरी गाउँपालिकामा पहिरोले पुरिएर दम्पतीको मृत्यु

काठमाडौं - सिन्धुपाल्चोकको पाँचपोखरी थाङपाल गाउँपालिकामा पहिराले पुरिएर एक दम्पतीको मृत्यु भएको छ ।

गएराति अविरल वर्षासँगै करिब २ बजेतिर गाउँपालिकाको वडा नं २ बरुवा भन्ने स्थानमा आएको पहिरोले पुरिएर दम्पतीको मृत्यु भएको हो । मृत्यु हुनेमा यज्ञबहादुर क्षेत्री र उनकी श्रीमती लक्ष्मी छिन् ।

उनका दुई छोरी र एक छोरा छन् । उनीहरु सबै घर बाहिर रहेको कारण सुरक्षित रहेको गाउँपालिका प्रशासनले जनाएको छ ।