गोर्खाको बारपाकमा एकै परिवारका तीन जना मृत फेला

काठमाडौं - गोर्खाको बारपाक सुलिकोट गाउँपालिका -१ स्थित बारपाकमा एकै परिवारका तीन जना मृत फेला परेका छन् । 

जिल्ला प्रहरी कार्यालय गोरखाका अनुसार मृत भेटिनेमा ८४ वर्षीय डिलबहादुर गुरूङ, २१ वर्षीया आइतकुमारी गरूङ  र १३ वर्षीया उषा गुरूङ रहेका छन् । राति सामान्य रुपमा सुतेका उनीहरू बिहान अबेरसम्म नउठेपछि छिमेकीहरूले बोलाउन जाँदा  मृत भेटिएका थिए । 

उक्त घटनाबारे थप अनुसन्धान भैरहेको प्रहरीले जनाएको छ ।