काठमाडाैं - नेकपाको प्रदेश ३ को संसदीय दलले प्रदेशको नाम बाग्मती र राजधानी हेटौँडा नै राख्ने निर्णय गरेको छ। शुक्रबार बसेको दलको बैठकले पार्टी सचिवालयको निर्देशनअनुसार औपचारिक निर्णय गरेको हो।

प्रदेशसभामा यससम्बन्धी मतदान हुनुभन्दा अघि सांसदहरुलाई यससम्बन्धमा ह्विप जारी गरिने प्रदेश संसदीय दलले जनाएको छ। यसअघि नेकपा सचिवालय बैठकले प्रदेश ३ को नाम बाग्मती र राजधानी हेटौंडा राख्ने निर्णय गरेको थियो।