एसी मिलानको सुखद् सुरुवात

काठमाडौं - इटालियन सिरी ‘ए’ मा एसी मिलानले विजयी सुरुवात गरेको छ । गएराति भएको खेलमा मिलानले घरेलु टोली साम्पडोरियामाथि १–० को जित दर्ता गरेको हो । 

मिलानको जितमा ब्राहिम डियाजले गरेको एकमात्र गोल नै निर्णायक बन्यो । उनले खेलको नवौं मिनेटमा डाभिड कालाब्रियाको पासमा गोल गरेका हुन् । ब्राहिम यसै समरमा स्पेनिस क्लब रियल म्याड्रिडबाट लोनमा मिलान पुगेका थिए ।

जितसँगै मिलानले पहिलो खेलमा महत्वपूर्ण ३ अंक जोडेको छ भने पराजित साम्पडोरिया अंक विहीन छ ।