धादिङमा पहिरोले पुरिएर एकै परिवारका तीन जनाको मृत्यु

काठमाडौं - धादिङको त्रिपुरासुन्दरी गाउँपालिका– ६ गल्याङमा पहिरोले घर पुरिँदा एकैपरिवारको तीन जनाको मृत्यु भएको छ ।

मृत्यु हुनेमा २५ वर्षीय मिलन खाँड, उनकी श्रीमती २२ वर्षीया सम्झना र छोरी अन्दाजी दुई वर्षीया अञ्जिता खाँड छन् ।

मध्यराति आएको पहिरोले घर पुरिएर तीनै जनाको मृत्यु भएको जिल्ला प्रहरी कार्यालय, धादिङले जनाएको छ ।