उपसभामुखलाई हटाउने तयारी भएपछि रास्वपाको सचिवालय बैठक बस्दै

काठमाडौं - राष्ट्रिय स्वतन्त्र पार्टी (रास्वपा) को सचिवालय बैठक बस्दै छ ।

बैठक अहिले बिहान ११ बजे सिंहदरबारमा बस्न लागेको हो ।

सत्तारुढ दलले रास्वपाको कोटाबाट उपसभामुख रहेकी इन्दिरा रानालाई पदबाट हटाउने तयारी गरिरहेको छ ।

सोही विषयमा छलफल गर्न रास्वपाले सचिवालय बैठक बोलाएको हो । बैठकबाट पार्टीको धारणा बनाइने बताइएको छ । उपसभामुख राना रास्वपाकी समानुपातिक सांसद हुन् ।