ब्राजिलको अपराजित यात्रा कायमै

काठमाडौं - फिफा विश्वकप कतार २०२२ को दक्षिण अमेरिकी छनोटमा ब्राजिलले अपराजित यात्रा कायम गरेको छ । शुक्रबार बिहान भएको खेलमा ब्राजिलले पेरुमाथि २-०को जित दर्ता गरेको हो । 

ब्राजिलको जितमा एभर्टन रिवरियो  र नेयमारले एक/एक गोल गरे । खेलको १५ औं मिनेटमा नेयमारको पासमा एभर्टनले गोल गर्दै ब्राजिललाई सुरुवाती अग्रता दिलाएका थिए। त्यसपछि खेलको ४० औं मिनेटमा नेयमारले गोल गर्दै ब्राजिललाई २-० को जित दिलाए।

यो जितसँगै शिर्षस्थानमा रहेको ब्राजिलले ८ खेलबाट २४ अंक जोडेकाे छ । पराजित पेरु भने ९ खेलमा ८ अंक जोडेर सातौँ स्थानमा छ ।