काठमाडौं उपत्यकामा २ हजार ३ सय ८८ जना नयाँ कोरोना संक्रमित थपिए

काठमाडौं - काठमाडौं उपत्यकामा थप २  हजार ३ सय ८८ जनामा कोरोना भाइरसको संक्रमण पुष्टि भएको छ। 

पछिल्लो २४ घण्टामा थप २ हजार ३ सय ८८ जनामा संक्रमण पुष्टि भएको स्वास्थ्य मन्त्रालयका प्रवक्ता प्रा डा जागेश्वर गौतमले  जानकारी दिए। 

त्यसमध्ये काठमाडौंका २ हजार  ८ जना, भक्तपुरका ९९ जना र ललितपुरका २ सय ८१ जना छन्। उनीहरूको विभिन्न प्रयोगशालामा परीक्षण गरिएको थियो।