पर्सा र बारामा २६ जना संक्रमित थपिए

 वीरगन्ज - पर्सा र बारामा थप २६ जनामा कोरोना भाइरसको संक्रमण पुष्टि भएको छ ।

वीरगन्जस्थित नारायणी अस्पतालको प्रयोगशालामा गरिएको ५ सय १० जनाको स्वाब नमूना परीक्षणमा पर्साका २४ र बाराका २ जनामा संक्रमण पुष्टि भएको हो ।

अस्पतालका अनुसार संक्रमितमध्ये पर्साको वीरगन्ज महानगरपालिकाका २२ जना, जगरनाथपुर र कालीकामाई गाँउपालिकाका १/१ जना रहेका छन् ।

योसँगै पर्सामा संक्रमितको संख्या २ हजार ३ सय ९१ पुगेको छ।

यस्तै, बाराको महागढीमाई नगरपालिका वडा नम्बर ४ का दुई जना पुरुषमा पनि कोरोना संक्रमण पुष्टि भएको हो।