चितवनमा हेटौंडाका कोरोना संक्रमित पुरुषको मृत्यु

काठमाडौं - चितवन मेडिकल कलेजमा थप एक कोरोना संक्रमितको मृत्यु भएको छ । मकवानपुरको हेटौंडा उपमहानगरपालिका–१५ का ५८ वर्षीय पुरुष मृत्यु भएको हो ।

अस्पतालका अनुसार ती पुरुषको उपचारको क्रममा मंगलबार विहान २:५२ बजे मृत्यु भएको हो । कडा खालको निमोनिया र श्वासप्रश्वासको समस्या देखिएपछि ती पुरुषलाई भेन्टिलेटरमा राखेर उपचार गरिएको थियो।

उपचारका लागि भदौ १४ गते चितवन मेडिकल कलेज ल्याइएका उनमा सोमबारमात्रै कोरोना संक्रमण पुष्टि भएको थियो।