काठमाडौै, एजेन्सी - १६ औं संस्करणको युरोकप फुटबलमा इंग्ल्यान्ड बराबरी खेल्दै अंक बाँडेको छ ।

नेपाली समयानुसार शुक्रबार राति भएको समूह चरणको खेलमा इंग्ल्यान्डले स्कटल्याण्डसँग गोलरहित बराबरी खेल्दै अंक बाँडेको हो ।

वेम्बली स्टेडियममा भएको खेलमा दुबै टोलीले पाएको मौकालाई सदुपयोग गर्न सकेनन् ।

यस बराबरीसँगै समूह ‘डी’ को इंग्ल्यान्डले २ खेलमा ४ अंक जोडेको छ । इंग्ल्यान्ड समूहको दोस्रो स्थानमा रहेको छ ।

स्कटल्याण्डले बराबरीबाट एक अंक जोडेको छ । स्कटल्याण्ड २ खेलमा १ अंकसहित तालिकाको पुछारमा रहेको छ ।