रोल्पामा पहिरोले घर पुर्दा हजुरआमा र नातिनीको मृत्यु

काठमाडौं,रोल्पा-रोल्पामा पहिरोले घर भत्किंदा पुरिएर बजै र नातिनीको मृत्यु भएको छ।

जिल्लाको सुनछहरी गाउँपालिका-४ स्युरी कामीडाँडाकी ६५ वर्षीया बसुना सुनार र ४ वर्षीय माया सुनारको मृत्यु भएको हो।

शुक्रबार राति सुनछहरी गाउँपालिका-४ कामीडाँडामा पहिरो जाँदा देउसिंह कामीको घर पहिरोले पुरिएको थियो ।

पहिरो पन्छाउने क्रममा उनीहरुको शव फेला परेको जिल्ला प्रहरी कर्यालय रोल्पाले जनाएको छ ।

पहिरोको समयमा छोरा देउसिंह सुनार र बुहारी घरमा थिएनन् ।