कांग्रेस संसदीय दलको बैठक बस्दै

 काठमाडौं - नेपाली कांग्रेसको संसदीय दलको बैठक आज बस्दै छ ।

बैठक दिउँसो २ बजे संघीय संसद् भवन नयाँ वानेश्वरको ल्होत्से हलमा बस्न लागेको हो ।संसद्को बजेट अधिवेशन शुक्रबारदेखि सुरु हुँदैछ ।

बैठकमा बजेट अधिवेशनभर पार्टी कसरी सदनमा उपस्थित हुने, सहकारीको बचत अनियमितता प्रकरणमा संसदीय छानबिन समिति बनाउने विषयलाई कसरी सशक्त बनाउनेलगायत समसामयिक विषयमा छलफल हुने बताइएको छ ।