गोरखामा खुकुरी प्रहार गरी एक महिलाको हत्या

गोरखा - गोरखाको पालुङटार नगरपालिका–७ मा एक महिलाको हत्या भएको छ ।

२८ वर्षीया रश्मी कुमालको अपरिचित व्यक्तिले धारिलो हतियार प्रहार गरी हत्या गरेका हुन्।

खुकुरी प्रहारबाट घाँटीको दाहिने भागमा गहिरो चोट लागेकी कुमाललाई उपचारका लागि तनहुँस्थित लक्ष्मी समुदायिक अस्पताल डुम्रे पुर्‍याइएको थियो ।

डुम्रेबाट दमौली अस्पताल तनहुँ रेफर भएकी कुमालको उपचारकै क्रममा राती २ बजे मृत्यु प्रहरीले जनाएको छ ।शवको दमौली अस्पतालमा पोष्टमाटमको तयारी भइरहेको पनि प्रहरीले जनाएको छ।

प्रहरीका अनुसार उनका श्रीमान राजु कुमाल विदेशमा छन् । घरमा आठ वर्षको छोरामात्र छन् ।

प्रहरीका अनुसार राति घर नजिकै साँस्कृतिक कार्यक्रम थियो ।

साँस्कृतिक कार्यक्रमबाट फर्किएर घरभित्र प्रवेश गर्ने क्रममा उनीमाथि धारिलो हतियार प्रहार भएको थियो ।