लुम्बिनी प्रदेशकी सांसद शर्मालाई तीन दिन हिरासतमा राख्न अनुमति

 काठमाडौं - लुम्बिनी प्रदेशकी सांसद रेखा शर्मालाई बालिकामाथि यातना दिएको आरोपमा अनुसन्धानका लागि जिल्ला अदालत, काठमाडौंले तीन दिन हिरासतमा राख्न अनुमति दिएको छ।

सोमबार जिल्ला अदालतका न्यायाधीश नवराज दुलालको इजलासले प्रहरीलाई हिरासतमा राखेर अनुसन्धान अघि बढाउन म्याद दिएको हो।

जिल्ला प्रहरी परिसर काठमाडौंले शर्माविरुद्ध थप अनुसन्धान आवश्यक रहेको भन्दै म्याद थपको निवेदन दिएको थियो।

प्रहरीले आइतबार राति शर्मालाई पक्राउ गरेको थियो। उनीमाथि घरमै राखेकी एक बालिकालाई शारीरिक तथा मानसिक यातना दिएको गम्भीर आरोप लागेको छ।