काठमाडौं - पूर्वमन्त्री तथा नेपाली कांग्रेसका नेता दीपक खड्का पक्राउ परेका छन् ।

उनलाई नेपाल प्रहरीको केन्द्रीय अनुसन्धान ब्यूरो (सीआईबी)ले धुम्बाराहीबाट नियन्त्रणमा लिएको हो ।

भदौ २४ गते उनको निवासमा भएको आगजनी घटनापछि गरिएको अनुसन्धानका क्रममा नेपाली रुपैयाँसहित विभिन्न विदेशी मुद्रा फेला परेका थिए ।

उनी स्काउटको जग्गा हिनामिना प्रकरणमा पनि मुछिएका थिए । उनीमाथि सम्पत्ति शुद्धीकरणमा अनुसन्धान हुनेछ ।

प्रहरीले यसअघि शनिबार बिहान पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पक्राउ गरेको थियो ।