पाकिस्तानसँगको तनाव बढाउन चाहँदैनौं, आक्रमण गरे छाड्दैनौँ : एस जयशंकर

एजेन्सी-भारतीय विदेशमन्त्री एस. जयशंकरले पाकिस्तानले आक्रमण गरे त्यसको कडा जवाफ दिने चेतावनी दिएका छन् ।

बिहीबार ईरानसँगको कूटनीतिक वार्ताका क्रममा ‘अपरेशन सिन्धूर’ को जानकारी दिँदै उनले सो चेतावनी दिएका हुन् ।

भारतले केवल आतंकवादी ठेगानाहरूलाई मात्र निशाना बनाएको उनको दाबी छ ।

उनले भने, ‘हामी पाकिस्तानसँगको तनाव बढाउन चाहँदैनौं, तर यदि पाकिस्तानले हमला गर्छ भने त्यसको जवाफ दिनेछौं ।’

यसअघि प्रधानमन्त्री नरेन्द्र मोदी र राष्ट्रिय सुरक्षा सल्लाहकार अजित डोभालबीच विशेष बैठक बसेको थियो ।