काठमाडौं - राष्ट्रिय परीक्षा बोर्डले कक्षा १२ को परीक्षा सञ्चालन गर्न शिक्षा मन्त्रालयसँग अनुमति मागेको छ । 

साउन तेस्रो वा अन्तिम सातामा कक्षा १२ को परीक्षा सञ्चालनका लागि मन्त्रालयसँग अनुमति मागिएको बोर्डका अध्यक्ष चन्द्रमणि पौडेलले जानकारी दिए । 

कोरोना संक्रमणको दर कम हुँदै जान थालेपछि परीक्षा सञ्चालन गर्न सकिने अवस्था भएकोले अनुमति माग गरिएको पौडेलले बताए । 

गत जेठ २६ बाट शुरु हुने तय भएको परीक्षा कोरोना महामारीका कारण स्थगित भएको थियो ।