गुल्मीमा पहिरोमा परी ४ जनाको मृत्यु, २ घाइते

काठमाडौं- गुल्मीमा पहिरोमा परी दुई जनाको मृत्यु भएको छ। जिल्लाको मुसिकोट नगरपालिका- १ बिसौनामा पहिरोले दुई घर पुरिँदा चार जनाको मृत्यु भएको हो।

जिल्ला प्रहरी कार्यालय गुल्मी अनुसार रातिदेखि आएको भारी वर्षासँगैको पहिरोमा पुरिएर चार जनाको मृत्यु भएको हो भने दुई जना घाइते भएका हुन्।

मृत्यु हुनेमा ६७ वर्षीय हुकुम विक, ६६ वर्षीया मसुरी विक, ४८ वर्षीय गोरे विक र साढे दुई वर्षकी रियन्सा विक रहेका छन् भने घाइते हुनेमा

‍मुना विक र विष्णु विक रहेका छन्। घर माथिबाट खसेको लेदो सहितको पहिरोले घर पुरिएको हो। पहिरोमा परी घाइते भएका दुवै जनाको स्थानीय स्वास्थ्यचौकीमा उपचार भइरहेको छ।