ओमिक्रोन भेरियन्टलाई सामान्य रूपमा नलिन डब्ल्यूएचओको आग्रह

काठमाडौं - विश्व स्वास्थ्य सङ्गठन ९डब्ल्यूएचओ० का महानिर्देशक डाक्टर टेड्रोस एड्नोम गेब्रेयससले कोभिड–१९ को नयाँ भेरियन्टलाई सामान्य रूपमा नलिन आग्रह गरेका छन्।

जेनेभामा आयोजित पत्रकार सम्मेलनमा उनले ओमिक्रोन भेरियन्टले यसअघिको डेल्टाभन्दा कम जटिल प्रकारको कोभिड गराउँछ भनेर बेवास्ता नगर्न विश्व समुदायलाई आग्रह गरेका हुन् ।

ओमिक्रोन अन्य भेरियन्टभन्दा कम घातक हुन सक्ने भए पनि यसलाई नजरअन्दाज गर्न नहुने उनको भनाइ छ ।

गेब्रेयससले ओमिक्रोनका कारण मानिसहरू अस्पताल भर्ना भइरहेको र ज्यान पनि गएकाले सचेत हुनु पर्नेमा जोड दिएका छन्। यस्तै, उनले तत्काल कोभिड महामारी अन्त्य नहुने पनि बताएका छन्।