कोरोना कहर: अमेरिकामा मृत्यु हुनेको संख्या घट्यो

एजेन्सी - कोरोना भाइरसको संक्रमणबाट अमेरिकामा एकैदिन १ हजार ५ सय २८ जनाको मृत्यु भएको छ ।

तीव्र रुपमा फैलिएको कोरोनाबाट पछिल्लो २४ घण्टामा २७ हजार नयाँ संक्रमित भेटिएका छन्,यो समाचार तयार पार्दासम्म । यो संख्या शनिबारभन्दा निकै कम हो । शनिबार १ हजार ८ सय ३० जनाको मृत्यु भएको थियो भने ३० हजार बढी संक्रमित भएका थिए ।

अमेरिकी सरकार अनुसार अहिलेसम्म त्यहाँ कोरोनाबाट २२ हजार १ सय ५ जनाको मृत्यु भएको छ भने ५ लाख६० हजार संक्रमित छन् ।