आज–भोलि नै संसद अवरोध हट्छ : मन्त्री गुरुङ

काठमाडौं - सञ्चार तथा सूचना प्रविधि मन्त्री एवम् सरकारका प्रवक्ता पृथ्वीसुब्बा गुरुङले संसद्‌ अवरोध खुलाउन सत्तापक्षी र प्रतिपक्षी दलहरुबीच छलफल भइरहेको बताएका छन् ।

आज मन्त्रालयमा पत्रकारहरुसँग कुरा गर्दै मन्त्री गुरुङले आज–भोलि नै संसद्‌को अवरोध खुल्ने जानकारी गराए ।

गृहमन्त्री रमेश लेखकले भिजिट भिसाबारे उठेका प्रश्नको जवाफ दिने, छानबिन समिति बनाउने र विपक्षी दलहरुले अवरोध खुलाउनेबारे छलफल भइरहेको उनले बताए ।

उनले भने, ‘मन्त्रीले यी सबै उठिरहेका विषयबारे संसदमा आफ्नो धारणा राख्ने, सरकारको धारणा राख्ने अनि प्रतिपक्षीहरुले संसद खोलेर सहयोग गर्ने र बजेट सम्बन्धी छलफल प्रक्रियालाई अगाडि बढाउने कुरा हामीले गरिराख्या छौं । सम्भवतः आज या भोलिसम्ममा कुरा मिल्छ होला ।’