चौथो खेलमा अमेरिकासँग प्रतिस्पर्धा गर्दै नेपाल

काठमाडौं - आईसिसि विश्वकप लिग २ अन्तर्गतको चौथो खेलमा नेपालले अमेरिकासँग प्रतिस्पर्धा हुँदैछ ।

बुधबार काठमाडौंको कीर्तिपुरस्थित त्रिवि मैदानमा खेल बिहान साढे ९ बजे सुरु हुनेछ ।

नेपाल र अमेरिका त्रिकोणात्मक सिरिजमा दोस्रो पटक खेल्न लागेका हुन् । दुवै टोली जित निकाल्दै सिरिजको सुखद अन्त्य गर्न चाहन्छन् ।

पहिला खेलमा नेपालसंग अमेरिका ३५ रनले पराजित भएको थियो । अमेरिकाले सिरिजमा कुनै जित निकाल्न सकेको छैन । ओमानसंग दुवै खेलमा अमेरिका पराजित भएको थियो ।

यस्तै नेपालले सिरिजका ३ खेल मध्य १ मा जित र २ मा हार ब्यहोरेको छ । नेपाल दुवै पटक ओमानसंग पराजित भएको छ ।