जनकपुरमा गोली चल्यो, एक जनाको मृत्यु

जनकपुरधाम - बुधबार बिहान धनुषाको जनकपुरधाम उपमहानगरपालिका–१४ मुजेलियामा गोली चलेको छ । पंकज चौधरी नाम गरेका व्यक्तिले गोली चलाउँदा एकजनाको मृत्यु भएको हो । 

प्रहरीका अनुसार पंकजले हानेको गोली लागि मनोज साह नाम गरेका व्यक्तिको मृत्यु भएको हो । प्रहरीले घटनाबारे अनुसन्धान गरिरहेको  प्रहरी उपरीक्षक शेखर खनालले जानकारी दिएका छन् । जनकपुर अस्पतालमा  मृतक साहको शव राखिएको प्रहरीले जानकारी दिएको छ ।