राष्ट्रपतिले गरे विश्वविद्यालयसम्बन्धी विधेयक प्रमाणीकरण

काठमाडौं - राष्ट्रपति रामचन्द्र पौडेलले नेपाल विश्वविद्यालयका सम्बन्धमा व्यवस्था गर्न बनेको विधेयक प्रमाणीकरण गरेका छन्।

राष्ट्रपति पौडेलले संविधानको धारा ११३ को उपधारा २ बमोजिम ‘नेपाल विश्वविद्यालयका सम्बन्धमा व्यवस्था गर्न बनेको विधेयक’ आज बुधबार प्रमाणीकरण गरेका हुन्।

संघीय संसद्‌का दुवै बैठकबाट पारित भएर आएसँगै राष्ट्रपतिले प्रमाणीकरण गरेका हुन्।