दमौलीको मादी पुलबाट जिप खस्यो : तीन जनाको मृत्यु

तनहुँ - तनहुँको मादी नदी पुलबाट जिप खस्दा तीन जनाको मृत्यु भएको छ ।

पृथ्वीराजमार्गअन्तर्गत दमौलीबाट चापाघाटतर्फ जाँदै गरेको ग २ च ५७६० नम्बरको जिप व्यास नगरपालिका–३ र ४ जोड्ने पुलको रेलिङ भत्काएर मादी नदीमा खसेर दुर्घटना भएको हो 

जिल्ला प्रहरी कार्यालय तनहुँका अनुसार दुर्घटनामा व्यास–५ का प्रविन थापामगर, कुमार थापा र कुशल थापाको मृत्यु भएको छ । उनीहरुको दमौली अस्पतालमा मृत्यु भएको हो ।

अधिकारीका अनुसार दुर्घटनामा अन्य दुई जना घाइते भएका छन् । घाइतेहरूको दमौली अस्पतालमा उपचार भइरहेको छ । घाइतेमध्ये एक जना गम्भीर रहेकाले थप उपचारका लागि पोखरा पठाउने तयारी भइरहेको प्रहरीले जनाएको छ ।